#有食譜 平時買雞翼，我會響超市買泰國S-Pure嘅雞中翼，喜歡佢有晒包裝日期，包裝既乾淨又企理，一包八隻，呢個份量好啱兩人家庭。最重要係肉質不錯，雞翼唔算濃，但醃味都幾快入到味。呢個牌子雞翼除咗中翼之外，仲有單骨雞翼，有時想整炸雞翼，連斬開雞中翼兩半嘅工序都慳返。
今次去灣仔街市，附近有間專賣優質凍肉嘅舖頭，響呢度買到S-Pure嘅急凍無骨雞中翼，諗都唔洗諗就拎咗去比錢。呢包急凍無骨雞中翼，一公斤裝，最好買到返屋企趁半解凍狀態，將啲雞翼分成幾個等份，包裝好再放返入冰箱保存！
雖然呢款係急凍雞翼，但肉質都幾滑幾彈牙，而且肉味都幾好，用黎做炒雞球嘅餸，或者炸雞翼都幾好。今次我用咗呢款無骨雞翼，加埋腐乳醬，整咗個腐乳蒸雞翼，惹味又好下飯，重點係真係好易整，而且呢個食譜亦適用響蒸雞，味道一樣咁好！
立即Follow我的Instagram @mrswongskitchen
Search